ტურინის "იუვენტუსის” ხელმძღვანელობა ლონდონის "არსენალიდან” რობინ ვან პერსის შესაძენად ძალისხმევას არ იშურებს. იტალური გამოცემა La Gazzetta dello Sport-ის ცნობით, 28 წლის ჰოლანდიელი ფეხბურთელი უკვე იმყოფებოდა ტურინში "იუვენტუსის” წარმომადგენლებთან მოსალაპარაკებლად. კლუბი მზადაა, ვან პერსის წელიწადში 6 მილიონი ევრო გადაუხადოს, რაც ფორვარდის ამჟამინდელ ანაზღაურებაზე 2 მილიონით მეტია. გარდა ამისა, "იუვენტუსი” ჰოლანდიელს 10-ნომრიან მაისურს პირდება, რომელიც წლების განმავლობაში ალესანდრო დელ პიეროს ეკუთვნოდა. გასულ სეზონში ვან პერსიმ "არსენალში” 46 მატჩი ჩაატარა და 35 გოლი გაიტანა.
