ლონდონის "არსენალისა” და ჰოლანდიის ნაკრების ერთ-ერთი ლიდერის, რობინ ვან პერსის აზრით, მის კლუბს პრემიერლიგის სამეულში მოხვედრის ძალა შესწევს. მისი თქმით, "მეთოფეები” ამისთვის ყველაფერს გააკეთებენ.
"ძალიან მნიშვნელოვანია, პრემიერლიგის მე-3 ადგილზე გავალთ თუ მე-4-ზე. მართალია, ორივე გვაძლევს ჩემპიონთა ლიგაში ასპარეზობის საშუალებას, მაგრამ მე-4 ადგილით ლიგის ჯგუფურ ეტაპზე გასვლა უფრო რთული იქნება. თან საპრიზო ადგილზე დამთავრების შანსი გვაქვს და რატომ არ უნდა გამოვიყენოთ? ჩვენს გუნდს შეუძლია პრემიერლიგის საუკეთესო კლუბებთან ბრძოლა”, - აღნიშნა ვან პერსიმ. შეგახსენებთ, რომ პრემიერლიგაში "არსენალი” 27 თამაშში მოპოვებული 49 ქულით მე-4 ადგილზეა. მის წინ კი "ტოტენჰემია”, რომელსაც 28 მატჩი და 53 ქულა აქვს.
